Eg trur ein kunne høyra eit GISP frå meg då eg såg desse på instagram. Så vanvittig vakre, og så mykje fint arbeid som ligg bak. Om eg hadde alle pengar i verda skulle eg kanskje kjøpa ein, men eg har lyst til å prøva å laga ein sjølv? I mars har eg allereie brodert på eit ullplagg på denne måten, det fristar veldig å prøve! Sjå biene! Ho har ein etsy-butikk her, og instagram her!
Dagen min starta med eit skarpt bank på døra, eg skvatt så eg skremte Saga men det var berre postdama! Ho hadde med seg ei pakke frå Boden, med litt sommarklede til meg og ungane. Saga ville prøva på den nye kjolen sin umiddelbart. Ho har vore heime og pjusk i dag, me har sett Petter Kanin-film og hatt mykje tid i sofaen.
Denne til Edda♥ Me skal til Italia i april, og eg håpar den ikkje er for stor då!
Saga og eg bestemte at me måtte ha kakao til lunsj, så me laga eggerøre, kakao og pitabrød og ringte Jostein på facetime for å invitera.
Medan me åt vakna Edda etter sin lange lur. Denne ungen altså, eg orkar nesten ikkje kor søt ho er med dei to små tennene. Og den fine strikkadressen som mamma har strikka. Elskar.
Så hadde eg vips to ungar! Og desperasjonen slo meg, så eg tok litt teip og ca ti leikefigurar, og teipa dei opp på veggen så Saga måtte flytta ein stol rundt i rommet og ta dei ned att. Veldig godt tidsfordriv! Mens eg tok desse bildene hadde hjerna mi prosessen: “Må ta ned håndkleet, må ta ned håndkleet. NEI. People need to know!”
I sju og eit halvt minutt leika dei med togbane utan meg, og då rakk eg å drikka ein kopp med te og sjå gjennom dei nye papirbildene som eg hadde fått i posten frå sommaren. Dei transporterte meg tilbake, det var ei vidunderlig tid!
Også deiga me i senga (“i sengi dikkas?”) og las denne nye fine fine boka frå Samlaget som eg fekk i gåve frå dei. Den er så himla morsom og nydeleg teikna, eit absolutt tips! No har Saga sovna hjå bestemor og bestefar, Edda søv oppe og ektemannen min preppar til eit kurs han skal holda i morgon. Eg drikk saft frå eit Riedel-glas. Og det var min tysdag. SUSS.
E I G E N R E K L A M E
Ok, no skal eg skyndta meg og skriva nokre av mine 2019-favorittar så langt! Som i gamle dagar når ein berre skreiv eit blogginnlegg på bussen eller i eit skur. No tømmer Jostein oska i Jøtulen, så da har eg ti minutt! Først vil eg berre tipsa alle her om at a) de må følga meg på instagram! @hjartesmil heiter eg der, når det er veldig stille på bloggen kan de jo alltids sjekka meg ut der. Og b) eg skal ha min første vesle fotoworkshop no i mars, om mobilfotografering og ungar. De kan lesa meir her!
Også har eg nokre spørsmål som de kan få svara på i kommentarfeltet etter de har kosa dykk med dette innlegget:
– Hadde de vore interessert i eit internettkurs på ein eller annan måte om mobilfotografering og ungar?
– De som skal gifta dykk og ikkje har booka meg som fotograf (why god why?), hadde de vore interesserte i å kjøpa ei slags brosjyre til korleis få gode bryllupsbilder? Eg driv og lagar ei brosjyre til mine eigne kundar og har fundert på om det kunne vore av interesse for nokon andre óg.
– Hadde de vore villige til å komma til Lærdal for andre workshops som gjekk meir på profesjonell portrettfotografi/barnefotografi/bryllupsfotografi? Av meg såklart. Let me know.
Blossom-sjampo frå Rudolph. I mitt beste liv er alle hud- og hår-produkta mine frå Rudolph. Når eg har brukt opp den ansiktskremen eg brukar no skal eg kjøpa ein frå dei. Kanskje når eg reiser til Stockholm åleine (!!!???!!!) i april.
Denne isen, som dei har på Coop. Dør kor god den er.
To tv-seriar eg har vore heilt besett av i februar: Russian Doll og Schitt’s Creek. Schitt’s Creek er heilt der oppe med mine favorittkomiseriar, liksom. Eg er so totally ein David.
@imogenroy som er ein venn av ein venn, jobbar med strategi for små bedrifter og det er SÅ inspirerande. Når eg har pengar til overs skal eg booka ho til å hjelpa meg og det skal bli meget interessant. Men i mellomtiden så er ho så sjenerøs på instagram og deler med seg av tips og pepp.
Desse nye flodhestane me har på Fredag som ruinerar meg. Dei er så jækla gode.
Jostein og eg er inne på alle slags ting ein kan blanda med farris bris akkurat no. Det starta egentlig då eg var gravid og blanda med solbærsaft, det er ein klar favoritt. Men så prøvde me med ei flaske eplegløgg! UTRULIG! No blandar eg med fun light, type mandarin madness. Eg kjenner nesten ikkje igjen meg sjølv med fun light i hus, men eg drikk så mykje når eg ammar og då er det anten mjølk på litervis (no joke) eller fun light.
@thissarahpowell på instagram som gir meg så mykje livsglede. Ho gir meg lyst til å vera ærlig og sårbar og rar, og det elskar eg med folk. Det er dei beste folka.
Eg såg denne idéen hos Elsa så den tok eg! Tinga ein screenshottar er tross alt ganske avslørande, syns de ikkje? Eg screenshottar alle salatane til Mariell si bedrift, Benk & Bo. Alt ser så sjukt godt ut.
Klassisk frilansnotat. Seks gonger i året betalar eg MVA for to bedrifter no, heilt utan å grina. Altså kven er eg?
@missmoss deler av og til aktivitetar som held ein unge på Saga sin alder oppteken ei lita stund. Sånt sparar eg til ho kanskje blir forkjøla og må vera heime ein dag eller to.
Caitlin og Saga jobbar med forholdet sitt som tross alt strekker seg over havet.
@annariflebond, som eig Rifle Paper Co. delte bilder frå messene dei var med på, og eg screenshotta alle nye varer som eg har bestilt, som desse veskene som eg får inn i mars ein gong.
@Tikkie_adelie har min favorittstil, både i klede og interiør. Så herleg dansk og laidback.
Eg tok dette screenshotet frå ein Finn.no-annonse, for å visa Jostein at ein kan gjera noko kreativt med brannmur. Dette er jo veeeeldig avansert, hehe. Eg tenkte å mala eit abstrakt fjellandskap i blått. Men først: kvit kalkmaling.
@_iriam delte denne koppen som er berre så sjuk? Så fin. Men kor mykje Royal Copenhagen kan eg egentlig ha? Det må eg tenka på.
@charlottejacklin, som typ 25% av mine screenshots kjem ifrå, la ut denne saltboksen. Åhhh så fin.
Frøy går jo på skule på operaen i København, og er med i produksjonar. Så gøy å skype medan ho gjer seg klar, i fullt kostyme.
Handleliste. Sjå klokkeslettet.
Familieliv-podcasten deler livsvisdom frå Barsel, boka til Kristin Storrusten.
Miss Vaaaaaanjie. Om du veit så veit du, og då elskar eg deg. Om du ikkje veit, så MÅ du sjå Rupaul’s Drag Race.
Ein gullspegel som eg har kjøpt via internettet. Den skal opp i soverommet vårt! Kanskje det endelig skal få bli eit fint rom? Om berre eit par månader skal jo jentene byrje med å dele rom, og då skal eg gjera det fint på rommet vårt.
Eit heilt utrulig morsomt bilde av Saga frå Villakssenteret. Dobbelthaka er berre made of dreams, altså.
Miguel som jobbar med VFX, la ut dette bildet som han laga for Jurassic World. Er så sjukt imponert over kva han får til. Også er det veldig fint å få skryta til nevøen min at eg har venner som har jobba med Star Wars.
Rotting-forelskelsen var total her. Måtte screenshotta.
Denne sendte eg direkte til Jostein. To og eit halvt år inn i foreldreskapet anar eg ikkje når me skal sleppa oss litt lause og reisa i dyreparken, liksom.
@livpurvis hadde fått seg høgtalar i dusjen. Det er vel life goals if I ever saw any.
Vart så kry då eg såg dette på Marie Kondo sin blogg, for eg gjer alltid dette: bestiller nytt undertøy i starten av januar. Som å få skryt av ein mester, tok eg det som.
Ein slem idé til eit tv-program.
Om du spør meg kva eg saknar mest frå London er det såklart vennene mine. Kvar bidige dag. Klart på andre plass er TILGANG. Om du vil såra meg på det djupaste kan du sjå på noko eg vil ha og sei “det får me ikkje tak i”. Blir så trist. Derfor er eg så sjukt glad for internett. Her er ei liste over mange av forbruksvarene som eg får i postkassa. Om du syns dette er sinnsjukt, så vennligst ikkje sei det til meg! Men om du har tips tek eg gjerne imot dei!
Mariage Freres
Dei fire første teane under her er dei me brukar mest. Dei har me i svarte metallboksar så me kjøper i lausvekt. Eg kjøper teposar til å ha på kontoret, mest Mentha Piperita og Casablanca. Når eg likevel bestiller kjøper eg gjerne óg eit glas med Marco Polo Jelly, berre heilt vanvittig godt å ha på scones. Og kjeksa deira. Omg, kjeksa deira. Me legg inn éi eller to bestillingar i løpet av året, avhengig av om me (eller broren til Jostein) er på reis til Paris eller London.
Marco Polo.
Casablanca.
Earl Grey French Blue.
Wedding Imperial.
Sakura.
Marco Polo Jelly.
Marco Polo Sablé.
Sakura Sablé.
Kinsarvik Naturkost
Desse er jo i Bergen, så ofte hamstrar eg ting om eg er der. Men no har eg to ungar og orkar ikkje alltid verken å gå dit eller ekstra bagasje når eg er i byen, så eg bestiller av og til greier herifrå óg. Før fødslane har eg bestilt mange pakker av dei deilige baby wipesa som dei har her, som er så mjuke og luktar så godt.
Vanilla paste.
Crisps frå Tyrell’s.
Muscovadosukker.
Baby wipes.
Tim Wendelboe/Coffee Collective
Me skiftar mellom to abonnement på kaffi, frå både Tim Wendelboe og Coffee Collective. Frå TW har me det med to posar espresso i månaden, hjå CC er det tre posar. Så sjukt fint å få kaffibønner i postkassa. Espresso for milk frå TW er min beste espresso av alle.
iHerb
Her kjøper eg oppvaskmiddel vanligvis. No har me eit fantastisk godt eit i butikken så eg kjøper det der no, men ellers handlar eg Mrs Meyers Clean Day-produkt på iHerb. Og om eg da har vekt til overs på pakken kjøper eg potetgull frå Kettle.
Mrs. Meyers Clean Day, Dish Soap, Geranium Scent
Mrs. Meyers Clean Day, Dish Soap, Honeysuckle Scent
Mrs. Meyers Clean Day, Muti-Surface Everyday Cleaner, Geranium Scent
Mrs. Meyers Clean Day, Multi-Surface Everyday Cleaner, Honeysuckle
Crisps frå Kettle
Valgfritt apotek
Om venninna mi som jobbar på apoteket ser dette så kjem ho til å knipsa meg på nasen. Men eg føretrekk å kjøpa alt stæsj til etter fødslar, alt av intimprodukt, prevensjon, graviditetstestar, over nett. Ikkje fordi eg ikkje stolar på personen som står i kassa, men fordi eg ikkje vil forholda meg til samme folk i forskjellige kontekstar på den måten.
Frø
Utanom frø som eg kjøper frå jordbruksskulen i Aurland, kjøper eg mesteparten av frøa mine på nett. Blomsterfrø frå Floret flowers. Andre frø frå Solhatt og Runåbergs. Og i vår kjøpte eg ein ganske stor mengde blomsterløk frå Hageglede. Skulle gjerne ha kjøpt dette frå ein mindre leverandør, så send gjerne det om de har tips. Blomsterjungelen er ein vanskelig jungel, syns eg.
Vinmonopolet
Sjølvforklarande, kanskje. Me har ikkje pol i Lærdal, så me får gratis levering til postkontoret frå Vinmonopolet. Det er ganske luksus egentlig, for ein har eit ganske stort utvalg på den måten.
Heaven Scent
Varer frå Byredo (lys og parfyme, eg har begge deler i Bibliotheque), kjøper eg på Heaven Scent. Eit av dei store lysa har eg hatt i to år og sparks joy kvar einaste dag.
Olivenlunden 1830
Herifrå handlar eg digge greier som er skikkelig gullkant på kvardagen. Den kvite balsamicoeddiken deira med fersken og aprikos kan eg ikkje skryta nok av, den gjer ein heilt vanlig salat til eit superdigg måltid. Og pålegga! Også har dei fri frakt over 600, elskar det.
Fersken- og aprikosbalsamico.
Biscotti.
Lemon Curd.
Pistasjkrem.
Syltetøy med kirsebær og champagne.
Syltetøy med klementin og appelsin.
Sjokoladekrem.
Basilikumolje.
Ting eg ønskar meg men ikkje får tak i: Tony’s Chocolonely. Mrs Meyer’s-produkt i limited editions. Glossier. Klede frå Arket. BLOMAR.
I februar 2009 gjekk eg mitt siste år på Firda på Sandane, og livet mitt var typ nøyaktig som på NRK-serien Lovleg. Fun fact: me gjekk eit av åra våre saman med Kjersti som har skrive Lovleg, så eg kjenner meg ekstremt godt igjen i det vgs-livet ho skildrar. Har vore på ekstremt mange festar i hybelhuset, og eg budde saman med Fredrik opp bakken over det forlatte hotellet. Me reiste på “russetur” til Amsterdam og budde fem stk på eitt hotellrom og spaserte uberørte gjennom Red Light District, som ein gjer når ein er 19 år. Då Christine og eg reiste tilbake dit for typ fire år sidan var eg fysisk uvel då me ved tilfeldigheit gjekk forbi.
I 2010 budde me i Oslo, vår første Oslo-vinter. Eg gjekk på fotoskule og dreiv egentlig og bestemte meg for å droppa ut. Sara var innom typ ni gonger i veka, det var lajvet.
I 2011 budde eg i Paris, det var mine to månader av Rumspringa, er så glad at eg fekk dei. Det same året flytta me jo til London og vart bråvoksne. Men februar 2011 var ein eksplosiv månad av sjølvutforsking og sjølvstende. Og herregud for ei flaks eg hadde her. Eg levde jo som ein konge utan å tjena nokre pengar i det heile tatt, og fekk plutseleg eit stipend frå Noregs Mållag for å laga magasinet som eg var der for å laga, og vips! Så var det i orden likevel. I løpet av dei to månadane eg budde i Paris kom nesten alle vennene mine på besøk, det var ganske magisk. Ei tid då vennskap liksom styrte livet, ei veldig fin tid.
Vår første vinter i London. Me budde i ein liten veldig vanilla leilighet i Lewisham, kvardagen var heilt nøkter men helgene hadde gullkant til pass. Frøy var på besøk, og me gjekk på Ladurée med Carrie og Lucy, ganske herleg må eg seie. Hugsar at eg græt då Frøy reiste heim, var enda ikkje sikker på vennskapa mine i London og det føltes så trygt å ha ho der ei lita stund. Jostein og eg var óg tilbake i Paris ein tur, på det øverste bildet kan ein sjå Derrick som eg budde saman med, og Kentaro som for evig er eit mysterium.
Februar 2013 var ein rar månad. Me dreiv med innspurt på romanen vår, og flytta denne månaden heim til Lærdal. Leigekontrakten vår gjekk ut og me ville ikkje bruka tid på å flytta og finna leilighet, så istaden satte me alt me eigde til lagring og reiste heim for å skriva i ro og mak. Kanskje var det her det planta seg, frøet om at me måtte heim, kven veit. Eg hugsar at rett før me flytta kjøpte eg te for typ 500 kroner i panikk for å leva utan, var redd for at Jostein skulle finna det ut, typ. No bestiller eg den samme teen over internett. Elskar internett altså.
Februar 2014 var ein månad av døden og livet. Me reiste heim for å gå i gravferd til mi fine mormor, eg var trøytt og trist og forvirra. I Oslo feira me Christine sin bursdag og kosa med vår ferske nevø som var så vanvittig liten. Veslesøster kom på besøk til London og me festa hardt med Mariell på Haggerston, best var det etter stengetid.
Me hadde frukostklubb med Mariell, i vår fine nye leilighet, sat på benkar i Peckham og festa med framande. Mariell og eg hadde friendiversary og fekk manikyrar for å feira. Eg føler at dette kanskje var året då eg vart så sjølvsikker, eg syns eg ser det i blikket mitt. Me fekk besøk av søstra til Jostein med nevøen vår som no var eit heilt lite år og gjekk på Hackney City Farm saman. I mars bestemte me oss for at me skulle flytta heim i april det neste året, i juli same året gifta me oss.
Februar 2016 handla mest om at eg var gravid, igrunn. Fem månader på veg. Saga låg der inne i magen og eg var litt redd, litt sliten, men mest glad. Me åt mykje pannekaker, fekk ein heil pose med fine ting frå landladyen vår då me var på besøk hjå dei i Brighton for siste gong, og me fekk besøk frå vår eldste niese og nevø. Så fint besøk, me kom kvarandre så nære. T og eg gjekk på Liberty og kjøpte eit antrekk til ho, eg stod utanfor prøverommet med hjartet i halsen for det var så fint.
Februar 2017 var eg blitt mamma! Og faktisk ein ganske driven sådan. Eg var så himla glad her, hugsar eg. Me planla vår første kjøkkenhage, me naut sola, livet flaut på. Det var ein veldig kvardagsfylt månad, men i topplokket planla eg noko stort, nemlig å starta butikk.
I fjor. Me feira morsdagen med dei fine mødrene våre, Saga hadde nettopp begynt å få langt nok hår til at det krølla seg. I magen voks Edda, i hjartet voks uro. Eg ømmar for meg sjølv i 2018, det var eit tungt år. Men eg kjempa på, vil typ gi meg sjølv ein klem for det. Laga til så Saga fekk eit leikerom i tilknytning til stova, bestilte nye deilige varer til butikken og var åleine med Saga om dagane (ho byrja ikkje i barnehage før i august i fjor).
Og i år, da? I år er langt bedre allereie. Me tok lærdom av i fjor, eg er så takksam for det.
Og forresten vil eg passa på å sei tusen takk til alle som har høyrt på podcast-episoden av Frilanslivet. Det varmar veldig å høyra at de likte den, det er jo alltid så nervøst å snakka for eit nytt publikum og da er det godt å vita at ein har gamle venner med på lasset óg♥
Februar er halvvegs allereie, det er jo heilt utruleg. Det er til og med vårkjensler ute, eg vil i gang med nye prosjekt og kosar meg med dei me har. I veka som kjem leverer me ein gigarapport, og i mars skal me ha det bittelitt roligare. Denne veka hadde me inspirasjonsdag med Tone heime hjå oss. De har kanskje aldri sett eit bilde av Tone, men utan ho hadde ikkje Fredag eksistert. Ho var leddet mellom næringsutviklingen og meg, og holdt meg i hånda heile vegen. Eg laga søtpotetsuppe som vart heilt sjukt god, og eg hadde tenkt å dela oppskrift men tok kun eitt bilde av suppa som vart blurry. Bedre lykke neste gong, I guess? Kva anna har skjedd i februar da? JO:
Morsdag! Eg hadde ein veldig god morsdag i år. Jostein hadde ordna blomar og eg laga ei heilt utruleg sitronmarengsterte. Som eg ikkje eingong rakk å ta bilder av før den var ete opp av oss og våre fire foreldre. Saga åt den med augene igjen, haha. Eg fekk eitt bilde av ein mini-pai som eg hadde laga i tillegg.
I februar har eg óg vore på Gamle Telegrafen, som er bygget her i Lærdal der eg har hatt ei utstilling oppe sidan november. Dette er hjarteprosjektet mitt akkurat no, eit prosjekt der eg følger ei dame her i Lærdal. Skal snakka om det så snart eg har fått jobba meir med det, enn så lenge er det ein skjør liten baby som eg må holda med begge hendene.
Her er vårt februarkjøleskap, forresten. Så dreamy.
Eg fekk mykje hårpynt i posten, det er våren som trengjer seg fram.
Eg tok med meg Saga på åleinedag, me tok bussen til Årdal og var med foreldrene mine ein heil dag. Me gjekk på kafé, biblioteket, besøkte verdens minste hund, besøkte oldemor og åt lapskaus. Også tok me bussen heim igjen, som vart eit sånt spetakkel. Ho sovna på bussen heim, så når me måtte bytte buss fekk eg heilt panikk. Eg måtte bæra ho og eit bilsete og posen min ut av bussen, og bussjåføren gløymte meg og opna ikkje døra bak og eg kom meg nesten ikkje av bussen og den bussen som eg skulle på begynte å køyra og eg skreik etter den og eg mista bilsetet på bakken og nokon på den bussen må ha sett meg der ute, så den stoppa. Bussjåføren kom ut, han hjalp meg inn, eg fekk hjelp av dei andre passasjerane til å setta meg ned og komma meg av. Sånn primitiv panikk, sånn primitiv hjelp, gråt i halsen. Men det gjekk bra. Ho sov seg inn i bilsetet, ut av bilsetet, ut av kleda sine og inn i pysjen, opp i senga. Ho sov heile natta, heilt utslitt av ein veldig innholdsrik dag.
Me opna butikken igjen, etter å ha hatt stengt i januar. Så godt å vera i gang igjen! Her er Saga som hjelper til med vindusutstillingen.
Edda vart åtte månader i går, og jentene blir meir og meir samkøyrte. I dag tidlig lærte me Saga å synga den morgonsangen frå friends “moooorning’s heeeeere the morning’s here sunshine is here”. Elskar å læra ho ting som berre er til min eigen underholdning.
Og her er Edda og eg i går, då me hadde høyrt på Frilanslivet-episoden med meg. Tusen takk for alle kommentarar, meldingar og mailar. De er så jækla fine.
PS: ser de den tanna, eller?
Eg har vore så spent på denne dagen! For i dag kom nemlig ein episode av podcasten Frilanslivet som eg er med i. I sommar, då Edda var berre fem veker gamal, kom Christina Skreiberg til Lærdal. Ho monterte eit podcaststudio i mitt vesle hus også snakka me om korleis det er. Frilanslivet. Om korleis Jostein og eg jobbar i lag, korleis eg jobbar som fotograf (som eg trur vil overraska mange), korleis mobbingen eg opplevde som born har forma meg på godt og vondt. Eg håpar de vil høyra på♥ Finst alle plassar der podcastar finst