I shot a wedding, Susanne & Andreas

Susanne & Andreas

15.06.19, Kjørbo gård

 

Susanne og Andreas gifta seg på den første ordentlige sommardagen, og på den finaste plassen eg har vore på bryllup i Oslo. På Kjørbo gård er veggane pastellfarga og området grønt. Eg fekk vera med heile dagen, då eg kom inn stod mammaen til Susanne og steama sløret. Det kom ei melding frå Bring om hundemat som skulle leverast, Andreas hadde gløymt å eta frukost då han kom. Eg elskar å få vera med på sånt. Sjå byggeklossane i bryllupet, men også i livet til brudeparet.

 

Eg følte meg så heime i dette bryllaupet, eg grein av talane og av gjesteboka, snakka lenge med Susanne si bestemor om ekteskapet og kjærleiken og livet og om kjolar, med venner av brudeparet om kor fine dei er. Og om kor rart det er å stå i bryllaupet til vilt framande (som det jo egentlig er) og kjenna seg så igjen i forholdet deira, i familiane deira, i vennene deira. Mot slutten av middagen kom acapella-koret til brudgommen og gjorde blant anna fem fine frøkner av Gabrielle som framleis sit fast i hjerna mi, ein månad seinare. Eg tenker framleis på den bryllupskaka frå Sverre Sætre med yuzukrem. Eg tenker framleis på den intense dansinga som tok til nesten umiddelbart etter brudevalsen. Det er bra bryllup, det.

Men best av alt hugsar eg kor varme, kor trygge, kor fine folk dei er. Men også kor no-bullshit og kompromisslause og sjølvsikre dei er, som også er eigenskapar øverst på mi liste. Susanne og Andreas, tusen takk for at de valgte akkurat meg

Follow:

5 Comments

  1. Hilde
    11:23, 14 Jul 2019 / 11:23

    Du høres ut som en veldig koselig bryllupsfotograf! Også er jo bildene dine magiske ✨ Skulle ønske vi hadde leid inn deg istedenfor fotografen som vi valgte – han kom for sent til vielsen og leverte bildene mer enn seks måneder etter bryllupet. Det føltes så respektløst. Når jeg leser innleggene dine om bryllupsfotografi, får jeg inntrykk av at du har stor respekt for de som gifter seg. Det er så fint.

  2. Elise
    15:03, 14 Jul 2019 / 15:03

    Å det er noko av det finaste eg ser! – bryllupsbilete ❤️ Kjærleiken altså..

  3. Regine
    16:25, 14 Jul 2019 / 16:25

    Vakre, vakre bilder!
    Du er så flink å fange slike nydelige dager!

  4. Ida
    16:39, 15 Jul 2019 / 16:39

    Fantastisk vakre bilder- det er som om jeg kan kjenne stemningen gjennom skjermen! Magisk! 😍

  5. Marianne
    23:05, 19 Jul 2019 / 23:05

    Tror ingen fanger kjærligheten slik som du gjør. Om jeg en gang skal gifte meg, så håper jeg at jeg er heldig nok å få en fotograf med en slik gave som du har.

Leave a Reply to Regine Cancel reply

Your email address will not be published. Required fields are marked *