Så veldig kvardag

I dag var livet som mest kvardag det nokon gong har vore, trur eg. Eg stod opp medan det framleis var SÅ mørkt ute (det gjer eg aldri, lever eit luksusliv), dusja, skundta både meg sjølv og familien min gjennom frukost og påkledning også leverte me i barnehage før me rusha vidare til butikken og varetelling. Vart heilt SNURRETE i hovudet av det, men me vart ferdige. Eg og mine to ansatte (!), med Michael Jackson og kjeks som bensin. Saga vart henta i barnehagen klokka tre og såg brannmann sam og åt “næxx” (snacks) medan me gjorde oss ferdige i butikken. Så heim, Saga sovna i bilen og då ho vakna var ho så svolten som ho aldri før har vore og vart trist, ikkje sint, då fisken var for varm og me måtte blååååsa og blåååååsa. Me har fire og ein halv liter H-mjølk i kjøleskapet fordi me begge har handla det. Eg har tatt ut Trumf-bonusen min og brukt pengane på parfyme. Edda har hatt feber og raude kjakar i dag, eg trur det er tenner på veg. No har me lagt begge ungane våre og sit og lagar middagsplanlegging og et Ferrero Rocher som me aldri kom oss til i jula.

Det er så morsomt at folk seier dei vil ha eit meir ekte blogg- og instagrambilde. For dette er det.Så himla sexy måndagar er.  I andre kvardagsprega nyhende, dette er ting eg tenkjer på for tida:


I kveld lagar Jostein og eg vekemiddagsplanar av våre eigne favorittmiddagar. Fem veker lagar me, måndag til torsdag. Jostein er i Numbers-himmelen akkurat no. Det er sånn halvt deilig og halvt too much vaksenskap for meg. Men det er ganske fint å vita at me er sparte for mykje “kva skal me ha til middag”-tankar dei neste vekene, eg vil ha fri frå det ei stund no! Eg vart tipsa i kommentarane om denne bloggen nyleg, familiematblogg, og eg likar veldig godt vibben. Det er bra og heimelaga norsk kvardagsmat, men ikkje traust.

 

I romjula såg Jostein og eg denne krimmen, det er ein adapsjon av ein Miss Marple-krim, men utan Miss Marple. Såg den på Sumo, den var superbra. Me har óg sett på sesong to av American Crime Story, men eg fekk dødsangst så me måtte stoppa. Så no lengtar eg allereie mot laurdag og ny episode av RuPaul’s Drag Race All stars. Ser på altfor mange klipp av Truth or Drink. Andre TV-seriar me ser på akkurat no er The Final Table (og siklar!), og Marie Kondo på Netflix. Blir så inspirert. Flyttar på alt i huset. Skaffar oss nye møblar og tenkjer nytt om korleis me lever livet. Elskar sånt. Det er så sabla januar, men på ein herleg frisk måte.

Tenkjer så mykje på hagen min. Fine fine hagen min. Eksploderer av lyst til å så og planta. Hanna Wendelboe skreiv ein liten samanfatning av kva ho gjer i januar. Også likar eg dette innlegget hjå Atilio der ho startar sin såsesong. For to år sidan forkultiverte eg masse greier inne, og det kjem eg ikkje til å gjera så mykje av i år, utanom kanskje nokre squash- og agurktypar. Men tomater kjem eg til å kjøpa planter til frå jordbruksskulen i Aurland, og det meste anna skal eg berre putta rett i jorda. Litt forvirrande var det forrige sesong, då fekk me null rødbetar og lite pastinakk og sellerirot óg. Skal gjera research for å finna ut kva som gjekk feil. Kjøper alle frø her, dei er dei beste i Norge. I år skal me også ha type grønnkål og svartkål og purre óg, sånt som ein kan hauste langt utover hausten. Også skal eg plassera ting utifrå kor høge dei blir, så ikkje det står erter og skyggar for mangolden, som sist. Åh, i sommar skal eg berre grilla og laga salatar og fotografera bryllaup.

 

No skal me eta kveldsmat og sjå på TV!

Bonjour 2019!

2018 var eit ekstremår for oss. Det var eit hardt halvår fram til sommaren, også vart det hardt på andre måtar. Men å føda Edda var verkeleg det finaste som skjedde i år. Såklart. Men óg fordi eg fram til det hadde det så innmari tøft i kroppen og i hovudet. Og å vera trøytt og vera støl og sår og alt det som kjem etter ein fødsel, var liksom ingenting i forhold til graviditeten. Og eg hadde aldri turt å tru at det skulle bli så bra, då eg stod der i byrjinga av 2018 og mest berre ville vera åleine. Og mest var åleine óg. Eg trakk meg inn i skalet mitt der eg fekk passa på meg sjølv og ikkje slapp nokon inn. Om kvelden låg eg på varmekablane på badegolvet fordi eg a) hadde så vondt i bekkenet og b) ikkje orka å vera rundt noko anna menneske. Eg gjekk heime åleine med Saga, medan Jostein jobba sitt livs viktigaste jobb med teaterstykket Gjesmearkivet, og berre gjentok mantraet “halv fem, halv fem, halv fem” for då kom svigerforeldrene mine heim og kunne ta over omsorgen av Saga.

Derfor føles det som ei så enorm gåve å få reisa ut av dette året med mindre stress, ingen smerter, meir kjærleik i livet og ein inspirasjon i heile meg. Eg har hatt den finaste jula nokonsinne, det er noko mystisk som har skjedd med meg i år: eg har lært meg å slappa av. Og eg har lært meg at jul ikkje er denne opphøgde magiske greia som eg har bygd det opp til heile livet og ønska at det skulle vera (også alltid vore skuffa, alltid hatt ein verk i brystet). Eller kanskje enda bedre: kanskje treng eg ikkje lenger at det er perfekt, at det er det siste håpet for året og dermed blir så panisk emosjonelt. Og dermed fekk det vera det det er; mange dagar på rad med fri frå jobb saman med dei viktigaste folka i livet, god mat, god vin og tid til å synka inn i stunda. Det har gjort meg så godt at me tek nokre dagar til med nissebøker og god mat og juleserviset og familie og duplo og juletre og ro.

Også, 2019. Då skal du få sjå kva eg har på lager.

Tusen takk for enda eit nydeleg år, for at de støttar opp om meg og familien min, og ikkje minst om Fredag. Det betyr alt. Alt, alt, alt.

Advent i heimen

I dag har eg vore heime heile dagen medan butikken har fått seila sin eigen sjø. Eg seier det med forbehold, fordi eg sit med nettbutikk og instagram og mailing og får hjula til å gå rundt på andre måtar. I morgon pakkar me det siste som skal sendast ut før jul, og då skal eg ha fri. Skal få vera heime ein laurdag og berre kosa meg med familien min, gjera små prosjekt og baka og laga julegodteri.

I år syns eg me har fått til dette med advent i heimen. Sakte men sikkert er det inntog av juleelement. Sjølvsagt fordi me no har ei dotter som er heilt besatt av jul og av nissen. Då blir det jo ganske koseleg å pynta litt. I går var me på blomsterbutikken og kjøpte kristtorn og eit lite juletre til rommet hennar. Og sidan eg no har vore heime medan det har vore lyst (ha!) ute, så har eg tatt nokre bilder óg. Så her er litt adventsheim i Lærdal, på luciadagen.

 


Pianoet er ein av plassane i huset som er i konstant endring, eg elskar å flytta rundt på ting der. Akkurat no ser det slik ut!

 


Bryllupsfoto av oss og eit bilde av Saga då ho var berre nokre timar gamal. Og hundane mine, såklart. Dei samlar eg på.

 

Eg kjøpte ei julegåve frå Linda Flø (eg tok bildene i bryllaupet hennar for nokre år sidan!) og då sendte ho med ei lita skål som ei gåve (SÅ koseleg). No står den på pianoet som ei ringskål. På måndag var me på middag hjå venner, og akkurat før me satte oss i bilen laga eg tre slike bittesmå pepperkakehus som eg limte saman, også pynta ungane dei som ein aktivitet etter middag. Trur eg aldri meir vil laga store pepperkakehus igjen, dette er perfekt. Og eg laga det så det skulle passa under denne glasdomen som eg kjøpte på Fretex på Åsane forrige veke og Jostein sa at den kom eg ikkje til å finna nokon bruk for. Ha! Der fekk han! Syns dessutan Saga har pynta ganske så fint. Trur ho skal bli Art Director.

 


Og i dag kom Edda si julestrømpe i posten! Eg kjøpte frå Engelska Tapetmagasinet til meg, Jostein og Saga for to år sidan. I deilig William Morris-stoff. No måtte jo Edda få si eiga. Desse er så fine at eg nesten vil ha dei framme heile året. No fantaserer eg om kva som skal ligga oppi på julaftan. På Saga si første jul fekk ho ein Ella’s kitchen-pose med ferskenar, og fantastisk mjuke tøfler frå FUB.

 


I går kveld laga eg issjokolade, ein type med peppermynte og ein med pepperkakesmak. MMMMMMM. I jubileumsgåve kjøpte Jostein ei krukke frå juleserviset vårt til meg, og no har den desse issjokoladane i seg. Og eg vil eta dei til middag.

 


Min nye elsklingduk frå Svenskt Tenn er så lang at me har lagt i forlengerane i bordet vårt, så no føles det veldig staseleg i vetlastova. Syns det passa fint med ein enkel kristtornbunt på bordet der. Likar så godt å ha dukar på bordet og likevel ha ein lavterskelheim. Det tek jo ikkje så mykje tid å vaska ein duk, også gir det så mykje varme i heimen, syns eg.


På Saga sitt rom har eg gjort det julekoseleg med dei andre julestrømpene våre, og eit lite juletre som eg har pynta med sånt som ikkje kan knusa. På senga les me Tassens Juleeventyr.


Svanepotta kjøpte eg óg på Fretex Åsane forrige veke (me var på Askøy på møter og stoppa innom). Syns den er SÅ fin og passar perfekt på eit barnerom.


Ei adventskoseleg seng. Ho søv i skinnposen sin om natta, som ho sov ute i vogn i i fjor vinter. Så sjukt koseleg idé som ho kom på heilt sjølv.


Og på dørene våre har eg laga kransar! På ringar som eg kjøpte på Bakklandet Blomster sin nettbutikk. Også fekk eg ein herleg mail frå Julie, som driv BB, med tips til korleis ein kan laga kransar. Vart så fornøgd med korleis dei vart♥ Deler den under her:

Det aller første du må gjøre, er å skru på julemusikken, fyll koppen din med noe varmt å drikke og sett deg godt til rette når du først skal planlegge hvordan du skal gå løs på kransen. Man kan gjøre det veldig enkelt, eller man kan velge å bruke litt ekstra tid på det. Julen er jo litt stress for mange, så kanskje det er en fin mulighet til å koble litt av, puste med magen og nyte det å forsvinne litt inn i en kranseverden. Den er riktig så fin skjønner du!

Hvis tiden likevel er litt knapp, er halmkrans en veldig fin base. Eller de fine Strupsringene du kjøpte! Halmkrans selger de aller fleste blomsterbutikkene eller hobbybutikker, som feks Panduro. Har du mulighet til å ta med deg barna på en liten skogtur, er det også veldig fint. Mine barn setter ikke så pris på skogen enda, men jeg forsøker like tappert hver gang. Det ender som regel opp med at jeg går alene, men da nyter jeg alenetiden maksimalt og er et litt bedre menneske når jeg kommer tilbake. Nå er vi så heldige å ha skog rett utenfor døren der hvor mannen min kommer fra. Så når vi tilbringer en helg der, tar jeg alltid med meg blomstersaksa og setter snuten mot skogen. Nå er plutselig kvister blitt skogens gull for meg, og jeg ser så mange potensielle koselige dørkranser foran meg.

Så er det å forvandle de fine kvistene til en krans.Det kan se litt vanskelig ut i starten, men det er det virkelig ikke. Ta to ender mot hverandre, fest de godt med ståltråd (Dette får du også kjøpt hos en blomsterbutikk eller hobbybutikk)

Jeg prøver å ta en tykk og tynn del sammen, slik at det ikke blir veldig tykt på en side. Men jeg fester de ikke mot hverandre, mer over og rundt hverandre. Legg de litt i tvinn. Så fester jeg stramt og godt på samme sted. Neste steg er å prøve å finne ca strl ved å danne en sirkel med de to andre endene. Når jeg har funnet størrelsen jeg ønsker meg (ideelt er ca 30 cm i diameter) , kan du godt feste de endene sammen også. Er kvistene lengre enn ønsket størrelse, begynner du nå å tvinne de rundt hverandre. (Over og under, slik at kvistene tvinner seg rundt hverandre i hele sirkelen) Slik fortsetter du med kanskje 5/6 kvister, alt etter hvor tykk du ønsker den. Prøv å fordel de tykkeste endene, slik at den blir noen lunde jevn. (Jeg foretrekker piltre!)
I utgangspunktet fester kvistene seg såpass godt inn i hverandre, at det er ikke nødvendig med for mye ståltråd, men om du ønsker å være sikker, velger du deg ut maks tre punkter med ståltråd, slik at du har muligheten til å la noe av kvisten vises etter pyntingen!
(Skulle hatt en fin illustrasjon her! Vanskelig å forklare med ord hvordan jeg tvinner de sammen, men Moseplassen har en fin video på det!)

Så var det pyntingen.
Jeg elsker å bruke tørre blomster, strå og eviggrønt som thuja, Squirrosa, edelgran eller eucalyptus. Alt dette har en blomsterbutikk, eller de kan skaffe for deg!
Så bruker jeg å begynne ca kl 22 på kransen. (Hvis du skjønner?)
Lag deg små buketter av materialene som du først legger på og fester med ståltråd. Jeg synes det er fint at pynten går med klokka. Neste legger du over ståltråden slik at du skjuler festet. Kan være at det må to/tre små buketter for å skjule kvisten. Så fortsetter du slik til du ser at du har fylt den nok, og til du er fornøyd med mengde fyll/pynt.
Man må ikke lage buketter, man kan fint ta en og en blomst, strå eller grønt. Bukettene er mest for å være effektiv og hvis man ønsker et noe repetitivt uttrykk
Og ofte skal det ikke mye blomst/strå til før det blir stor effekt.
Og er man virkelig i julehumør kan man spraymale litt i gull, sølv eller glitter. Det elsker jeg! Gull er rett og slett litt magisk for meg!

Når du har kommet så langt at du tenker du er ferdig, bruker jeg å snu de siste «bukettene», slik at den enden også ser fin ut. Her må man bare prøve seg litt frem for å få skjult overgangen, men det går som regel veldig greit!

Nå har du forhåpentligvis en hjemmelaga krans som kan henge på en ytterdør eller inne på en vegg!
Ta et nydelig bånd av velour og pynt kransen din med en sløyfe!

Oppsummering:

1: Sett stemningen med deilig julemusikk
2: Samle kvister i skogen, eller kjøp hamkrans hos en lokal blomsterforhandler
3: Lag en sirkel av kvistene, bruk ståltråd, og tvinn kvistene rundt hverandre
4: Gjør klart pynt, velg noe som holder seg lenge! Tørka blomster, nobilis, eucalyptus og annet gull
5: Lag små buketter av det grønne/blomstene for å være effektiv, legg med «snuten» med klokka, fest med ståltråd
6: Skjul overgangene ved å legge over der du festet med ståltråd
7: Når kransen er fyllt så mye som du ønsker, avslutt med et vakkert silke- eller velourbånd
8: Heng opp på døra di!

Under treet i år

Inneheld eigenreklame

No har eg hatt eit par dagar av jobbpanikk der, de veit, ein får kjensla av at no er adventstiden øydelagt, sånn opphøgd som det kan bli når det er så viktig. Alt blir så viktig i desember. I går var me på Askøy heile dagen, i møter, Edda var verdens mest tålmodige baby og me åt oss gjennom Bakstehuset på Ask (reis dit!). I år har det vore så vanskeleg for meg å setta ord på kva eg ynskjer meg til jul, men eg har samla saman nokre fine ting her, i tilfelle de treng inspirasjon sjølve.

Det me ynskjer oss mest er meir juleservise frå Royal Copenhagen. Draumen er å kunna skifta ut heile serviset når desember kjem og berre bruka dette (ein tradisjon som bror til Jostein har og som eg syns er ein så himla koseleg adventsting). Langhåra saueskinn frå naboen, Ingrid Eri. På sikt skal me ha ein fin benk på kjøkenet, og eg vil ha skinn i den som ein kan legga seg ned og sovna i. Så deilig. Silkeskjerf frå Emma Fällmann, så eg kan lata som om eg er ei fin dame. Parfymen Bibliotheque frå Byredo. Me har duftlyset som ei konstant lukt i huset, og eg likar så godt tanken om å lufta likt som huset sitt, den assosiasjonen er så koseleg. Boka til My Feldt har eg lengta mot lenge, ønskar meg den til jul. Også det konstante, som eg alltid ynskjer meg: badebomber frå Lush. Har teke kanskje eitt bad sidan Edda vart født, og det er jo ein skandale!

Kva ynskjer de dykk i år? Om de ikkje heilt veit, så har eg laga fine gåveguidar for Fredag som eg linkar til -> her <-. Jostein er i butikken no og det blir sendt ut pakker klokka 14:30 i dag, og med posten i morgon. Hugs at me bør ha alle bestillingar inne til fredag 14.desember for å vera sikker på at dei kjem fram til jul

Tusen takk til alle som har kjøpt julegåvene sine hjå oss i år, forresten. Om eg tenkjer på det i meir enn ti sekund blir det storgrining. Så no trykkjer eg berre på publiser og lagar meg ein cappuccino. Ha ein fin fredag!

Solturistane

Forrige veke, medan det enda var sol på andre sida av elva, gjekk me ein tur, heile familien. Den var berre framme ei bittelita stund, men me fekk snu oss mot ho som blomar i vinduskarmen og reflektera over lyset og kva den gjer med oss. Her i Lærdal er sol rein valuta. Oppover i dalen vil dei fleste kunna fortelja nøyaktig dato for når deira spesifikke gard mistar sola for året, og når den kjem tilbake att om våren. Hjå oss reiser den 21. november og kjem tilbake 21. januar. Dette veit folk. Dette er sånt ein snakkar om på butikken. Spesielt i januar og februar, då er annakvar samtale prega av det. “Har de fått att sola no de?”. Og sånn går det. Nyleg var me på eit gravøl for sola her i bygda (nede i sentrum er sola ikkje å sjå frå seint haust til sein vår). Der fortalde ein mann i ein tale om mor si. Den første dagen med sol om våren, opna ho døra på vid gap for å sleppa sola inn. Eit så fint bilde, syns eg. Det skal eg òg gjera i 2019. Men først skal eg ruga på dei solstrålane eg har samla, og grotta meg inn i mørketida. For den er jo ikkje så verst, den heller.

Hei, desember!

Første desember. Berre å sei det får meg til å vibrera av alt det fine som ligg framfor meg. Noko som er så fint med å bli vaksen er at advent og romjul trumfar julaftan alle gonger. Også at det er så utruleg kjekt å GI gåver, eg kosar meg sånn med å laga lister og kryssa av (making a list and checking it twice, om du vil). Spesielt når eg no byrjar i oktober og sprer pengane mine litt. I år har eg kjøpt dei fleste gåvene lokalt, håndlaga, brukt eller smått. Føles så innmari godt, og ein gøyare måte å shoppa på óg. Nokre får såklart gåver frå min eigen butikk og det føles nesten som juks!

I dag tidlig fekk Saga opna si første kalendergåve i livet. Det var ei digg barnehagebukse frå Nøstebarn som ho trong og vart så kry for. Også krangla me når ho prøvde å dra ned fleire pakkar også sa me unnskyld. Toåringar som seier unnskyld er ganske så søtt, spør du meg. “Unnskyld mamma, eg sa uuunnskyyyyld mamma, sooorryyyy mammaaaa”

Eg har det ordentlig bra no, har så mykje ro og glede. I fjor desember var eg så kvalm og avstumpa og redd av å vera gravid, det er så fjernt no som Edda er her hjå oss på den mest sjølvsagte måten. Min perfekte andrebaby. Føler at eg verkeleg har fått landa i tobarnsmammarolla og i butikksjefrolla. Kan ha ei samanhang med at Edda har sove si første natt i eiga seng denne veka, det takkar eg ikkje nei til at ho kan gjera ein gang iblandt (vanligvis ligg ho på armen min). Akkurat no er eg i butikken, eg spelar deilig musikk og pakkar bestillingar. November var ein heilt utruleg månad for butikken, eg har hatt det så gøy og jobba så mykje. Og no er eg kampklar for desember.

Desember. Så fin månad.

I desember vil eg:

  • Baka meir med safran (eg har tjuvstarta allereie men kjøpte digg safran i London så eg er klar for denne sesongen!)
  • Gå på adventskos i barnehagen med heimebakte kjeks og sjokoladebollar
  • Henta Saga tidlig om eg føler for det
  • Laga takkekort frå dåpen til Edda og senda ut til dei som ho fekk fine gåver ifrå. Fredrik sin inskripsjon i boka ho fekk (Edda, den nye utgåva frå Samlaget) får meg nesten til å grina berre eg tenkjer på det
  • Sy hårstrikkar til butikken av alt det fine Liberty-stoffet som eg kjøpte i London
  • Drikka gløgg ad nauseum! Eplegløgg, raudvinsgløgg, vanlig kjedeleg gløgg. GLØGG.
  • Laga kransar til dørene våre av bjørkekvistar og tørka eukalyptus og tistlar som eg har på lur. Og eit silkebånd, kanskje?
  • Invitera fine folk på lavterskelmiddag på ein kvardag
  • Jobba jernet på det store prosjektet som Jostein og eg har innspurt på
  • Feira Henjatunet-boka som eg har fotografert og hatt design på!
  • Synga alle julesongar så dei sit som fjellstøypt til jul
  • Laga bananbrød så eg kan rista skiver av det og eta med espressomascarpone som på Pom og Flora
  • Kjøpa perler på finn.no og perla armbånd med Saga (ein bør kjøpa alt sånt på finn.no!)
  • Laga fuglemat av frø og feitt og henga opp på garden.
  • Kjøpa fleire lyslenker så det blir optimalt koseleg å køyra inn i tunet når det no er som mørkast.
  • Laga nellikappelsiner med Saga
  • Sjå Amalies Jul og Jul i Skomakergata
  • Legga adventsduk på bordet
  • Drikka den flaska med champagne som ligg i kjøleskåpet
  • Gjera om på heile spisskammerset vårt, som per dags dato ikkje fungerer. Trur eg har kjøpt løysinga på Ikea!
  • Læra meg å laga Sarah Bernard
  • Laga bøtter og spann med heimelaga frukostblanding som kan setta gullkant på kvardagar (slike er det jo óg i desember)
  • Bruka den eine frihelga eg har i desember på alt som er koseleg og julete
  • Laga julegåver ein kan eta og gi til små og store venner her i Lærdal
  • Legga inn ei herleg bestilling hjå Vinmonopolet i god tid før jul
  • Laga koselege gåveguidar for Fredag

Gode gåver

Gode gåver

Akkurat no sit eg i sofaen, Edda søv i fanget på ein sovande Jostein og Friends rullar forbi episode for episode på Netflix. No er det den der Rachel lagar dessert med kjøttdeig og erter. Så sjukt godt å berre å slappa heilt av ei lita stund no. I dag opna me butikk i Årdal! Det var enormt gøy, så mange fine folk innom! Og i morgon er ein ny dag!

Eg syns det er så godt å sjå at me er så mange små fine bedrifter som ikkje køyrer black friday, at me nektar å la oss sluka av det svarte holet. Så eg vil passa på å tipsa om nokre fine norske selskap der ein kan plukka opp julegåver til folk ein er glad i♥ 

Hald gjerne fram med å tipsa om andre norske nettbutikkar i kommentarfeltet, det er så fint med ein bank av slikt!

Lilli & Leopold

Fantastiske barneklede i merinoull, nettbutikk her.

Bakklandet blomster

Min enorme blomsterbutikk-crush i Trondheim som óg har nettbutikk. Eg har kjøpt eit par slike ringar til å laga blomsterkransar på i vinter! Mmm herleg.

Freywood

Så fine treprodukt at eg nesten kan lukta dei når eg ser på dei. Ahhh. Nettbutikk her.

Nora Brech

Norsk illustratør som selger prints i nettbutikken sin.

Studio Freckles

Linda lagar nydeleg keramikk på Studio Freckles. Eg har kjøpt ei slik ringskål i ei julegåve i år!

Petito

Eg handlar veldig mykje greier på Petito, føles så fint at det sit ei firbarnsmor på sørlandet og tek imot bestillinga mi. Nettbutikk her.

Fransk Bazar

Ein av mine favorittbutikkar i Oslo, elskar at dei óg har nettbutikk!

Skinkeape

MMmmm det er så digg med flinke norske illustratørar. Ønskar meg dette printet frå Skinkeape.

Tåke

Tåka låg tung i helga, så tung at ein ikkje kunne sjå noko anna enn det som var rett framfor seg. Av og til er det så godt, når naturen protesterar, seier “sjå. Sjå kva du har akkurat her”.

Me flyg rundt no, det er ei spanande veke. I morgon opnar me julebutikken vår i Årdal og i helga er det julemarknad og ei utstilling der eg stiller ut bilder frå to forskjellige prosjekt. På søndag skjer det ingenting, tenk det!

I morgon kjem eit blogginnlegg med alle mine finaste små nettbutikkar der eg kjøper julegåver og veit at pengane mine gjer gode ting for fine folk. Kan ikkje de legga igjen linkar om de har, til små bedrifter sine nettbutikkar? Så kan eg putta nokre av dei óg i innleggetLa oss alle bli meir bevisste på kvar me legg att kronene våre. Spesielt denne svarte veka.