Søtpotetrisotto med bacon

Eg la ut eit bilde av denne søtpotetrisottoen på insta stories, og fekk nokre spørsmål om å dela oppskrifta, så her er den! Eg skundtar meg å skriva medan Edda enda søv. Om ei lita stund skal Saga og eg ut og plukka bringebær i høljeregnet.

Eit obs om at eg ikkje lagar mat med oppskrift, så dette er ei unøyaktig oppskrift (men det blir godt, lovar!), men med litt tips heilt gratis på kjøpet

Til to og ein halv vaksen (altså oss + Saga):
1 mellomstor søtpotet
1 pakke stjernebacon (sløyfast for vegetarisk såklart, då ville eg ha hatt typ rista pinjekjerner istaden, for å få litt tekstur nedi)
210 g risottoris
1 dl eplejus
5 dl vatn
1 buljongterning
1 ts balsamicoeddik
Parmesan
Olje

1. Del søtpoteta i to på langs, og ha på litt olje. Steik på 200 grader midt i ovnen til den er heilt gjennombakt, ca ein halvtime (kjem veldig an på storleiken på poteta, så sjekk kvart femte minutt etter 20 minutt har gått). Dra av skalet og mos den fint, me vil ikkje ha klumpar. Sett den til side.

Eit kvardagstips er å baka ei ekstra potet når du først driv, også laga noko pasta med søtpotet til dagen etterpå! Eg har søtpotetmos i kjøleskapet mitt i dette nu. Eller så kan ein såklart baka søtpoteta dagen før óg, for denne oppskrifta, for å spara tid.

2. Ha vatn, jus og buljongterning i ei panne og sett på mellomhøg varme. Målet er at væska skal holda omtrent samme temperatur som risottoen, for me har i væska litt og litt, og då er det dumt om ein senkar temperaturen i gryta kvar gong ein har på meir væske. Så den bør stå og småputra i ei panne ved sidan av risottogryta.

3. Finhakk lauken, og steik den i litt olje til den er blank og gjennomsiktig. Ha oppi risen, og steik risen saman med lauken i eit lite minutt. Dette anar eg ikkje kvifor ein gjer, men det står i alle oppskrifter.

4. Så skal væska i, ei ause av gongen. La væska trekka godt inn før du har oppi neste ause og reguler temperaturen på risottogrytta så risen ikkje svir nedi. Det tek litt tid å laga ein god risotto, men det blir så godt til slutt. Når det er tomt for væske kan du ha oppi søtpotetmos, balsamicoeddik og parmesan (etter smak, eg brukar kanskje 1,5-2 dl finriven). Risen skal vera al dente, også er det ferdig!

5. Baconet deler eg opp i veldig smale bitar, liksom på tvers av strimlene, og steiker til det er nesten sprøtt. Det kan ein jo gjera undervegs eller på forhånd, såklart!

6. Server med parmesan (om ein vil ha sånt parmesanhår som dei har på restaurant, kan ein kjøpa ein microplane, det er det beste som har skjedd våre pasta- og risottimiddagar!) og innhaust applausen.

Solbærgrotter

Hei, fine folk! Her kjem det ei oppskrift! Eg er kjapt innom medan begge ungane mine søv (!!!!!!) og eg føler meg som ein superhelt som kan klara alt. Jostein er nemlig i butikken i dag og eg har jentene åleine (heldigvis hjelpt av mi fine svigerinne som er dreven i dette fleirbarnsgamet), eg blir litt sveitt berre ved tanken men medan dei har sove har eg sprunge rundt i huset som ein virvelvind og fått gjort tusen ting.

Eg vil berre passa på å sei ein enorm takk til alle dykk fine som er innom i butikken i sommar! Herregud altså. Det er jo som ein draum. Eg får rapportar frå alle som jobbar der at folk er innom og seier så fine ting, at folk legg feriane sine mot Lærdal for å få stikka innom oss og sparar feriepengane sine for å bruka dei i butikken. Det var meir enn eg turte å håpa på då eg starta dette spetakkelet for eit og eit halvt år sidan. Så tusen takk! Det føles heilt eventyrlig.

Etter eg la opp dette bildet på instagram har eg fått spørsmål om å dele oppskrifta på desse solbærgrottene. Ein kan såklart laga dei med anna syltetøy enn solbær óg! Dei er fantastisk enkle og kjappe, og sååååå digge å ha til sommarkaffien. Spesielt elskar eg dei fordi dei held seg gode i ein boks i vekesvis. Så her kjem dei!

Solbærgrotter

18-20 stk

250 gram meierismør, i romtemperatur
1,5 dl sukker
1 ts bakepulver
1,5 ts vaniljepaste (eg kjøper min frå Kinsarvik, men ein kan såklart også bruka vaniljesukker. Viktig å bruka bra vanilje sidan smakane er så reine!)
4,5 dl mjøl

Solbærsyltetøy

Bland smør, sukker og vanilje i ein bolle. Eg gjer berre alt med hendene. Ha så i mjøl og bakepulver, og bland alt til ein jamn deig. Rull til ei lang pølse som er litt mindre tjukk enn botnen på ei vanlig muffinsform (hehe, her køyrer me folkelige oppskrifter!). La den ligga i kjøleskapet i ca ein halvtime. Sett ovnen på 200 grader, og sett klare muffinsformer på eit bakebrett. Bruk ein kniv og skjær deigen opp i skiver som du legg i muffinsformene. Med ein knokkel eller tommelen, lag ei forjuping i kvart kjeks. Fyll den med syltetøy. Steik kjeksa i ovnen i ca 18-20 minutt, til den er veldig lett gyldne. La dei kjøla seg litt ned før du et dei, ellers kan dei lett smuldra ifrå kvarandre. NYT!

Min stødige granola

5 liter granola

Føler meg så trygg når eg veit eg har granola i huset, derfor lagar eg alltid mykje når eg først lagar. Eg eksperimenterer litt, og lagar av og til med krydder eller kakao eller med meir nøtter eller ja, de skjønnar. Men når eg skal laga noko som er heilt bombesikkert, så er det denne oppskrifta eg brukar. Eg tek fram den største skåla eg kan finna, også blandar eg ihop alt dette:

1 liter små havregryn
1,5 liter store havregryn
4 dl graskarfrø
4 dl solsikkefrø
4 dl cashewfrø
1,5 dl linfrø
4 dl grovhakka mandlar
2 dl honning, flytande
2 dl kokosolje, flytande
1 ts havsalt

Spre utover tre bakeplater med bakepapir, og steik på 160 grader i 25-30 minutt. Halvvegs inn i steikingen kan du røra litt rundt, så alt får ein jamn steik. La den kjøla seg ned, og ha over på tette glas eller boksar. Også kan du óg føla deg trygg, og aldri gå svolten.

Korleis laga iskaffi

Ein iskaffi kan gjerast vanskeleg eller lett, men sånn lagar eg min! Eg gjer ingen nøyaktige mål, men det viktigaste er: vanilje, brunt sukker og rett temperatur.

Eg startar med å laga kaffi. Me abonnerer på Tim Wendelboe-espresso som me lagar med ein Bialetti. Medan kaffien framleis er varm, blandar eg i litt brunt sukker og god vanilje i ein mugge. Eg brukar denne, livet er for kort for vaniljesukker. Så tømmer eg kaffien fram og tilbake mellom to mugger, for å få raskt ned temperaturen.

Så fyller eg eit glas med isbitar (ein får ikkje vera gjerrig med isbitane, da smeltar isen så fort også blir heile greia vatna ut), og fyller glaset litt meir enn halvt med mjølk, eg brukar heilmjølk frå Røros-meieriet. Så heller eg i kaffi til den er berre litt mørkare enn eg vil ha den, og har til slutt i litt meir mjølk. Et voila! Så enkelt, og sååååå godt.

Pikekyss

Pikekyss

Eg hadde skrive dette innlegget før me reiste til Gøteborg og skulle publisera det medan me var der, men så orka eg ingenting sånt medan me var i Sverige. Den første kvelden i Gøteborg braut nokon seg inn i bilen vår og stjal ein koffert som inneholdt alle kleda mine, alle kleda til Saga, Hasselblad-kameraet mitt og mykje anna. Så sjukt meiningslaust og traumatisk, føler meg framleis så krenkt liksom, har vore ei berg-og dalbane av kjensler. Det er jo berre TING, men greiene mine er viktige for meg. Kjolen eg hadde på meg då vatnet gjekk, det første skoparet til Saga, kameraet som eg har opplevd så mykje med. Medan eg skriv dette sit eg i baksetet i bilen på veg mot Lærdal, Frøy og Jostein (Frøy er sopran, Jostein er librettist) sit i framsetet og snakkar om opera og Saga søv i setet sitt ved sidan av seg i sin nye pysj. Det vart mange nye barneklede i Gøteborg, og få nye klede til meg. Eg har gått i den samme strømpebuksa i fem dagar. Det er slitsomt å trenga at ting er på ein viss måte også ikkje ha tilgang på den måten. Lengtar heim mot kleda mine, me er nok framme til midnatt. I veka som kjem skal eg kosa meg i hagen, eg har fått sjå tomatene mine på facetime av lillesøster som har lånt huset vårt medan me var i Sverige. Eg har kjøpt med matvarer heim som Jostein himlar med augene av, men ein sånn person er eg. Kjøper gjerne knekkebrød på tur, elskar at me har ein bil eg kan fylla med mine rare vanar.

Men uansett. Eg hadde tenkt å dela ei oppskrift på pikekyss, det er jo så enkelt og godt. Så om du finn deg sjølv med ekstra eggekviter i sommar, ikkje fortvil! Det er jo typ det enklaste i verda. Du tek eggekviter, og 1,5 gongar så mykje sukker (må bruke vekt, altså!). Pisk eggekvitene til dei er stive, og tilsett sukkeret litt av gangen til blandingen er glatt og stiv. Sprøyt ut på bakeplater, og steik i omnen på 100 grader, i ca 3,5 timar.

I had written this post before we went to Gothenburg and I was planning on publishing it while we were there, but I didn’t have any energy for it at all while we were in Sweden. On our first night in Gothenburg, someone broke into our car and stole a suitcase containing all of my clothes, all of Saga’s clothes, my Hasselblad 500 and a lot of other things. So meaningless and traumatic, I still feel so icky about it. It’s just things, but my things are important to me. The dress I wore when my water broke, Saga’s first pair of shoes, the camera that I’ve been through so much with. Right now I’m in the backseat of the car, Frøy and Jostein are in the front seat discussing opera (Frøy is a soprano, Jostein is a librettist), Saga is sleeping in her seat next to me in her new pyjamas. We bought a lot of new clothes for her, and not so many things for me. I’ve wore the same pair of tights for five days. It’s not great being the kind of person who needs things a certain way and then that way isn’t available. I long for my clothes, we’ll be home by midnight. In the upcoming week I’m going to relax in the garden, I’ve seen my tomatoes on facetime, my sister has been staying at our house. I’ve bought some food home from Sweden, it makes my husband roll his eyes but that’s who I am. Buying random food things on holiday, I love that we have a car I can fill with my weird habits.

But anyway. I wanted to share this recipe for meringues, it’s so simple and good. So if you have any leftover egg whites, don’t despair! They’re called girl’s kisses in Norwegian. It’s so simple! You take the weight of your eggwhites times 1,5. Whip the egg whites until they’re stiff, then add sugar little by little until it’s shiny and stiff. Pipe onto a baking sheet, cook for 3,5 hours on 100 celsius.

Pikekyss

L’oignon

lauk

Eg kan eta lauk igjen! Eg har ikkje kunna ete det fordi S fekk vondt i magen av det, så det har vore seks månader av ikkje-lauk i alt og “er det lauk i?” og cravvvving av lauk som eg elskar så høgt. Og plutseleg reagerte ho ikkje på det lenger, og no vil eg laga alt med lauk. Dette er kanskje for veldig spesielt interesserte. Laukentusiastar, er de her? Her er ni oppskrifter til dykk.

  1. Bhajis
  2. Dip
  3. Mejadra
  4. Laukringar
  5. Linsemat
  6. Lauksuppe
  7. Karamellisert raudlauk
  8. Lauksaus til pasta
  9. Piroger

I can eat onions again! I haven’t been able to eat them because they gave S a stomachache, so it’s been six months of non-onion in everything and «are there onions in this?» and craving onions that I love so much. And suddenly she had no reaction to them at all, so now I’m in an onion frenzy. This is maaaaybe for those particular onion enthusiasts (you here?), here are nine recipes for you.

  1. Bhajis
  2. Dip
  3. Mejadra
  4. Onion rings
  5. Lentils
  6. Onion soup
  7. Caramelized red onions
  8. Onion sauce for pasta
  9. Pierogies