Korleis laga iskaffi

Ein iskaffi kan gjerast vanskeleg eller lett, men sånn lagar eg min! Eg gjer ingen nøyaktige mål, men det viktigaste er: vanilje, brunt sukker og rett temperatur.

Eg startar med å laga kaffi. Me abonnerer på Tim Wendelboe-espresso som me lagar med ein Bialetti. Medan kaffien framleis er varm, blandar eg i litt brunt sukker og god vanilje i ein mugge. Eg brukar denne, livet er for kort for vaniljesukker. Så tømmer eg kaffien fram og tilbake mellom to mugger, for å få raskt ned temperaturen.

Så fyller eg eit glas med isbitar (ein får ikkje vera gjerrig med isbitane, da smeltar isen så fort også blir heile greia vatna ut), og fyller glaset litt meir enn halvt med mjølk, eg brukar heilmjølk frå Røros-meieriet. Så heller eg i kaffi til den er berre litt mørkare enn eg vil ha den, og har til slutt i litt meir mjølk. Et voila! Så enkelt, og sååååå godt.

Skriv en kommentar

Your email address will not be published. Required fields are marked *