eg…

0203907

♥ lærde meg engelsk samtidig som eg lærde meg norsk. eg gjekk annakvar dag i barnehagen, og såg på amerikanske såpeopera heile annakvar dag. ikkje noko o for orange her, nei.
♥ skulle bli kokk. og veterinær. og interiørarkitekt.
♥ hatar å snakka i telefonen fordi eg ikkje kan sjå dei eg snakkar med. litt over-estetisk, kan ein vel seie.
♥ las og las og las heilt frå eg var pytteliten, og anbefalte bøker til dei andre på biblioteket på barneskulen.
♥ er allergisk mot fløyte og melkesjokolade.
♥ fann mitt livs kjærleik då eg var 14 år.
♥ elskar.
♥ fekk mitt fyrste kyss i eit uthus.
♥ er eigentleg blond, og har grøne auge, sjølv om alle i familien min har brunt hår og brune auge. til og med hunden.
♥ saknar bestefar.
♥ går ikkje på ski.
♥ likar ikkje norsk spekemat, men spansk.
♥ elskar risotto.
♥ likar det når pasta og brokkoli er kokt heilt mjuke.
♥ har visst kva mine fire born skal heita i fleire år.
♥ har solgt over 60 bilete(galleri her).
♥ skal mest sannsynleg ha utstilling i sommar.
♥ planlegg å tatovera meg i august, men det er hemmeleg.
♥ blir fort forelska. i folk og i ting, og kan ønska meg enkelte ting så hardt at det gjer vondt.
♥ klarar ikkje å sei hadet. så derfor gjer eg det aldri. eg kjem ikkje til å sei hadet til mine klassekameratar når eg flyttar. det er utruleg feigt, men eg klarar det ikkje. så godt kjenner eg meg sjølv.
♥ er flink til å laga focaccia, brownies, risotto, kjeks, eigentleg generelt flink til å laga mat, men eg har aldri klart å laga vanlege kveitebollar.
♥ lurer på kva i alle dagar eg skal gjera frå august av. jobba? gå på skule? ingenting?
♥ skulle ønska eg klarte å tru på noko større enn meg sjølv. større enn verda. men religion frustrerar meg nesten meir enn noko anna.
♥ er altfor glad i å diskutera.
♥ kunne drukke vin og ete mørk sjokolade(å, den med sitron&ingefær) kvar einaste dag.
♥ likar kun kald raudvin.
♥ har ein pappa som elskar å laga mat og berre er snill og god.
♥ har ei mamma som tenker veldig mykje om veldig mange ting, og ikkje er redd for å seie det høgt. og som bryr seg så inderleg mykje om andre menneske.
♥ har arva humoren til pappa og det standhaftige frå mamma.
♥ har ei lillesøster som er den finaste av alle, og som betyr heile verda for meg.
♥ har ein hund som heiter bono. ja, etter vokalisten i u2.
♥ eig ingen bukser.
♥ elskar mote, og gler meg til eg kan kjøpa vogue kvar månad.
♥ skal læra meg fransk frå august av.

var det noko meir de ville vite? berre spør, og eg skal svara. suss!

Skriv en kommentar

Your email address will not be published. Required fields are marked *